:

ويسا – له وسله والو طالبانو او د افغانستان د دولت له نورو مخالفو وسله والو سره د سولې او پخلاینې لپاره د جوړېدونکې جرګې د غړیو شمېرنن اعلان شو.

د سولې د ملي مشورتي جرګې د تخنيكي كميسيون مشر، ډاکټر فاروق وردک پرو ن  د ولسې جرګې په عمومې غونډې ته وويل، چې دا جرګه به د راتلونكې لمريز كال په ثوركې په كابل جوړه شي. ي وردك څرګنده كړه چې په دې جرګه كې به له وسله والومخالفينو سره د سولې د خبرواترو د څرنګوالي په اړه د افغانستان د خلكو له استازو سره هراړخيزه سلامشوره وشي. نوموړي زياته كړه  ، چې په دې جرګې كې به دولس سوه تنه برخه واخلي او د راتلونكې لمريز كال د غويي په نهمه نېټه به په كابل كې د لويې جرګې په خيمه كې جوړه شي

د پوهنې وزير او د دې جرګې د تخنيكي كميسيون مشر ډاكټر فاروق وردګ د ولسې جرګې غړو ته د سولې د ملي مشورتې جرګې په اړه معلومات وركړل او ويې ويل ، چې په دې جرګې كې به د ملي شورا ټول غړي، د ولايتي شوراګانو اوه پنځوس تنه استازي، ټول واليان او د علماو د سراسري شورا ټول غړي برخه واخلي.ښاغلي وردك څرګنده كړه، چې له هرې ولسوالۍ څخه يو قومي مشر، شل تنه روشنفکرې ميرمنې، د كوچيانو دېرش او د معيوبينو پنځلس تنه استازي، د مدنې ټولنې او سياسي ګوندونو، د سوداګرو او دغه راز په پاكستان او ايران كې به د افغان مهاجرو اتيا تنه استازي هم په كې ګډون وكړي.ډاكټر وردك د سولې د ملي مشورتي جرګې د اهدافو په اړه وويل ))  دا جرګه به درې اساسي هدفونه تعقيب كړي، لومړى دايمي سولې ته د رسيدو لپاره له افغان ملت سره مشوره، مفاهمه او موافقه.دوهم له وسله والو مخالفينو سره د خبرو اترو په څرنګوالي موافقې ته رسيدل اودرېيم له مخالفينو سره د خبرو لپاره د يوې طرحې او ميكانيزم جوړول.((

هغه زياته كړه ، چې په دې جرګه كې به د كابينې او سترې محكمې غړي، لوى څارنوال، د ولسمشرټول سلاكاران او د خپلواكه كميسيونونو او ادارو مشران هم برخه ولري. ده دغه رازڅرګنده كړه، چې نږدې دوه سوه تنه بهرني ډپلوماتان او سفيران به هم د دې جرګې د پيل او پاى په مراسمو كې برخه واخلي خو په ډاګه يې كړه، چې د سولې د ملي مشورتي جرګې ټول مالي لګښت به د افغان

##